Мона Синх: «Ҳақиқий исмим-Жасмит» Сериалнинг кутилган оламшумул муваффақияти кутилмаган меваларни берди:

кўплаб ҳинд қизлари моделга айланишни истаб қолишди. Гўзаллик сирлари ҳақидаги журналларга талаб ошди. Мода саноатига қизиқишининг кескин ошиб кетиши ўз натижасини бериб, янги Клаудиа Шиффер ёки Жизель Бундхенларни кашф этилишига олиб келар. Ким билсин, улардан бирининг исми Жасси Синх бўлар?
Мона Синх: «Ҳақиқий исмим-Жасмит» Сериалнинг кутилган оламшумул муваффақияти кутилмаган меваларни берди: кўплаб ҳинд қизлари моделга айланишни истаб қолишди. Гўзаллик сирлари ҳақидаги журналларга талаб ошди. Мода саноатига қизиқишининг кескин ошиб кетиши ўз натижасини бериб, янги Клаудиа Шиффер ёки Жизель Бундхенларни кашф этилишига олиб келар. Ким билсин, улардан бирининг исми Жасси Синх бўлар? - Жасси ролини ижро этганлигингиздан бахтиёрмисиз? - Жуда бахтиёрман. Жассига бўлган ижобий муносабатим ўзимга икки ҳисса қайтаяпти. Балки ишонмассиз, лекин томошабинлар илгариги ташқи қиёфам ва уятчанлигим қолишини жуда исташади. У чизгилар қайтишига ишонаман. -Талқин қилган ролингизнинг экранга чиқмаган жиҳатларини баён этсангиз… -Соат 22:00да янги соч турмагини қилишим учун гўзаллик салонига ташриф буюришимни сўрашарди! Грим хонада соат 2:00гача бўлардим. Эрта тонгда (5:30) экрандаги образимга қайтишим шарт эди. Менга берилган озгина фурсатлар давомида янги соч турмагимга маҳлиё бўлардим. - Ҳозирги соч турмагингизни танлашдан олдин нечтасини синаб кўрдингиз? - Жуда кўп. Бу нарсага бардош бериш жуда қийин. Мазкур соч турмагимни ҳам ўзгартиришимга тўғри келади. Шундай экан гримхонага ҳали кўп вақтимни ўтказаман, шекилли. - Қизиқ воқеалар ҳам... - Энг қизиқ воқеалар тиш дўхтирига ташриф буюрганимда содир бўлди. Тишларимга ўрнатилган мослама тушиб кетганлиги боис қолган қисмини олишда тишларимни шунақанги оғритишдики, кў¬з ёшларимни ҳам тия олмадим. - Анча вақтдан бери хунуккина Жасси бўлиб юрдингиз. Энди соҳибжамол модель эканлигингиз ҳам алоҳида эътироф этилди. Исмингиз Мона эканлигини тан оларсиз? - Менинг ҳақиқий исмим-Жасмит. - Унда Мона ким? - Опамнинг исми Сона бўлганлиги туфайли яқинларим унга мослатиб Мона деб атайдиган бўлишди. - Бўш вақтингизни қандай ўтказасиз? - Менда деярли бўш вақтнинг ўзи йўқ. Шунга қарамай фурсат топганимда таом тайёрлашга ошиқаман. Карри ва ражма (ҳинд¬ларнинг миллий таоми)ни пиширишни яхши кўраман. -Жасси Апурва Агнихотри ва Самир Сонини яхши кўради. Мона кимни севади? - Ҳозирча, Мона ҳеч кимни севмайди. Мабодо севиб қолганида бу муносабатлар узоққа бормас эди. Сабаби у инсоннинг Апурва ва Самирга рашк қилиши аниқ эди. - Сериалда сиз билан бирга роль ижро этаётган актёрлар билан яхши муносабатдамисиз? - Ракшад Хон ва Манини Дилар билан биргаликдаги саҳналарда мириқиб ўйнадим. Апурва, Сети қўшилганида бундан ҳам яхшироқ киришиб кетдим. Аслини олганда бошида уларга ҳайиқиб қараганим учун айтишим керак бўлган гаплар ёдимдан кўтариларди (кулади). - Сизнингча, Жассидан кейин ижодингизда қандай ўзгаришлар содир бўлади? - Бу ҳақда ҳозирча ўйлаганим йўқ. Мени Жассичалик ҳеч қайси образ қизиқтирмаса керак. Бу ролда бир умр яшашга тайёрман. Мени Жасси деб аташларига қарши эмасман. Бу – менинг ҳаётим. -Самимий суҳбатингиз учун ташаккур.