AMALDAGI CHEMPIONLAR MAG'LUB BO'LDI

20 dekabr kuni 2010-yil bo’lib o’tadigan Oliy Liga bahslari uchun Kuzgi saralash bosqichining eng oxirgi 7-o’yini bo’lib o’tdi. Ushbu o’yinda Bobur Yoqubov jamoasi markaziy stolga taklif etildi. Amaldagi championlar bu yilgi saralash bahslarida ko’ngildagidek ishtirok eta olishmayapti. So’ngi o’yin oldidan ular Yusuf Po’latov jamoasi bilan bir xil 9 ochko to’plab 4-5 o’rinlarni egallab turishgan edi. Albatta ularning eng so’ngi bo’lib markaziy stolga o’tirishlari bu holatni yaxshilash uchun xizmat qildi.
O’yin qiziqarli kechdi desak mubolag’a bo’lmaydi. Garchand jamoada to’g’ri topilgan variantlar ko’p bo’lgan bo’lsada, ammo yakuniy qaror chiqarishda, ba’zi xatolarga yo’l qo’yishdi. Buning natijasida esa jamoa kutilmaganda 3:6 hisobida mag’lubiyatga uchradi. Garchand jamoa mag’lubiyatga uchragan bo’lsada, Oliy Liga yo’llanmasini qo’lga kiritdi.

Shu bilan 2010-yil bo’lib o’tadigan Oliy Liga bahslari uchun Kuzgi saralash bosqichi ham o’z nihoyasiga yetdi. Yakuniy natijalar bilan mana bu yerda tanishishingiz mumkin.

Bobur Yoqubov - Toshkent Tibbiyot akademiyasi sud tibbiyoti va tibbiyot huquqi kafedrasi assistenti
Saidkamol Abdurazzoqov – " Trans Turkiston ” qo’shma korxonasi menedjeri
Umid Valiyev - Tashqi iqtisodiy faoliyat Milliy banki bosh mutaxassisi
Zafar Mirzaboyev – Iqtisodchi
Xushnudbek Xudayberdiyev – Toshkent davlat yuridik instituti 4-bosqich talabasi
Saidolim G’aniyev – Toshkent axborot texnologiyalari universiteti 3-bosqich talabasi