Атмосферага энг кўп миқдорда зарарли моддалар чиқарадиган жаҳоннинг энг «ифлос» автомобиллари рейтинги тузилди.
Рўйхатдан асосан қимматбаҳо спортча суперкарлар ва лимузинлар ўрин олган. Айнан шундай машиналар тоза ҳавони булғовчилар сирасига киради (бундай машиналарга улкан Hummer H2 ҳам тааллуқли).
Агар ҳозир одатдаги енгил автомашиналар ҳар километр йўл босганда ҳавога ўртача 120-150 грамм зарарли моддалар тарқатса, ушбу рейтингнинг етакчиси Bugatti Veyronда бу кўрсаткич анчайин кўп. Унинг қуввати 1001 от кучига тенг бўлган мотори ҳар босилган километрда 571 грамм зарарли моддалар ажратади.
Иккинчи ўринда Lamborghini Murcielago (495 г/км) кетаётган бўлса, «ифлосларнинг кучли учлиги»ни Ferrari 599 GTB (490 г/км) якунлаб берган. Қайд этиш жоизки, рўйхатдан «Ferrari»нинг бирйўла учта машинаси ўрин олган. Яъни Италиянинг айнан шу компаниясини жаҳондаги энг «ифлос» машиналар ишлаб чиқарувчиси, дея иккиланмасдан аташ мумкин.
Энг «ифлос» автомобиллар:
1. Bugatti Veyron: 571 g/km
2. Lamborghini Murcielago LP640: 495 g/km
3. Ferrari 599 GTB Fiorano: 490 g/km
4. Ferrari 612 Scaglietti: 475 g/km
5. Bentley Arnage/Azure/Brooklands: 465 g/km
6. Dodge Viper SRT-10: 463 g/km
7. Ferrari F430: 420 g/km
8. Hummer H2: 412 g/km
9. Mercedes G500: 400 g/km
10. Bentley Continental GT/GTC/Flying Spur: 396 g/km