Сўнгги сухбатимиздан бугунги кунгача нималар ўзгарди?
-Бир икки лойихалар бўлди, фильмларда роль ижро қилдим.
Бир иккими ёки беш олти? Талаб бўлгани албатта яхши, лекин бошқа тарафдан чўчимаяпсизми жуда хам кўп роллар бирданига деб?
-(кулади) Охирги расмий сухбатимиз "Ўзимдан ўзимгача” фильми премьерасидан сўнг бўлди. Тўғри гапингиз, биринчидан ўзим хам қўрқяпман, кўп иштирок қилса хам мухлислар жонига тегиб қолишим мумкин деб.
Сценарийлар хаммаси ўзимга мос дея оласизми? Масалан салбий қахрамонни талқин қилмайман бошқа деган эдингиз.
-Қахрамонлар бир-бирига ўхшаш эмас-да, кейин салбий роль хақида фикрим хозир сал ўзгарган, тўғрисини айтсам. Салбий роль бўлса ижро қилишим мумкин. Хозирча бўлгани йўқ, мабодо таклиф тушса. Албатта у агар «оправданный» салбий роль бўлса, яъни унинг салбий жихатларини сабабларини очиб берадиган роль бўлса.
Сўнгги суратларда Асал Шодиева билан учиб юрибсиз…
-Ёлқин Тўйчиевнинг "Учар қиз” фильмидан лавхалар. Ўзга сайёралик қиз хақида фильм.
Севара Солиева Адиз билан илк "Пойма-пой” фильмида иштирок қилганди, бу иккинчи хамкорлик.
Бу фильмдаги қахрамонингизни бошқа фильмлардан фарқи нимада бўлди?
-Жудаям катта фарқи бўлди. Қахрамоним илмга берилган, уйида лабороториялари бўлган, "ботаник” бўлади. Умри давомида мўъжиза кутиб яшайдиган йигит бўлади. Умуман мен учун бу фильмдаги сахналар умуман бошқача, мен учун янгилик, пробиркалар билан ишлаш, тажрибалар қилиши, қизга холодильник ясаши ва хоказо.
Фильмдаги партнерларингизга турфа хиллик қўшилиб бориляпти, Асал Шодиева билан ишлаш қандай кечди бу фильмда?
-Асал билан бош рольдаги катта лойихада айнан шу фильмда бирга ишладик. Унчалик қийинчилик сезилмади, чунки Ёлқин Тўйчиев унга тегишли рольни яхшилаб тушунтириб, мағзини чақиб берганидан кейин у хам талаб қилинган нарсани уддасидан чиқди.
Суратлардан яхшигина қийналган кўринасиз, нималар ўзингизга кашф қилдингиз бу фильмдан?
-"Учар қиз” фильмидан ўзимга каскадерлик сирларини очдим. Балки бошқа холатларда каскадер ўйнаган бўларди, лекин мазкур фильмда аниқ бир кўринадиган «крупный план”лар бўлгани сабабли режиссерлар талабига асосан ўзим ижро қилишимга тўғри келди. Сувни устидаги тепаликдан учиб туриш сахналарида қўрқинч бўлди аввалига албатта. Айнан шу сахналари жуда оғир ва жуда қизиқ кечди, уддасидан чиқдим дея оламан, барибир мухлислар фильмни томоша қилиб бахо беришар. Яна устоз актерлардан Фарход Абдуллаев билан илк бора ишлашим, жуда қизиқ кечди.
"Учар қиз” фильми Илхом исмли хаёлпараст хақида бўлиб, унинг орзуси жамики одамзодларга бутун бошли самода биз ёлғиз эмаслигимизни исботлашдан иборат бўлади.
У хамиша ўзга олам вакили билан учрашиш истагида юради.
Дўстларини кулгуси-ю, одамларни ғалати қараши , ва ота-онасини ўғлининг бундайлигигига ор қилишига қарамай у ўз мақсади сари жадал интилиб яшайди.
Хеч ким билмасди-ки, яқин орада Илхомнинг бу орзуси амалга ошиб, унинг ва унинг атрофидаги одамларни хаёти тубдан ўзгариб кетишини.
"Шарқ синема” киностудияси махсулоти
Режиссер Ёлқин Тўйчиев
Ролларда: Адиз Ражабов, Асал Шодиева, Саида Раметова, Фарход Абдуллаев, Севара Солиева ва бошқалар
O'qiganlar: 1431 | 
Qo'shdi: 
Sana: 
Salom: Мехмон
Имя: Мехмон
Ты здесь: -й день
Твой IP: 3.147.13.220
Добавить новость
Ред. информацию
Читать ЛС ()
Отправить сообщение
