«Эвертон» «Милан»нинг голландиялик ҳужумчиси Клас Ян Хунтеларга қизиқиш билдирган инглиз клубларидан бири ҳисобланади.


Футболчининг агенти Арнольд Остервер унинг мижозига Туманли Альбион клубларидан таклиф тушганини тасдиқлаб, клублар номини ошкор қилишдан бош тортди.

Голландиянинг «« нашри аниқлик киритишича, Жаҳон чемпионати арафасида ҳужумчи Ливерпулда ҳам ўйин амалиётига эга бўлиши мумкин. Бразилиялик ҳужумчи Жонинг хизматларидан воз кечганига ҳали ҳеч қанча вақт бўлмаган «Эвертон» «Милан» захирасида ўтириб қолган Хунтеларни ижарага олишга тайёр.

26 ёшли футболчини ижарага олишда ливерпулликларга «Вест Хэм» рақобатчилик қилиши мумкин. Лондонликлар «Мандчестер Юнайтед»нинг собиқ тўпурари Рууд ван Нистелройни Мадриднинг «Реал»идан Англияга қайтара олишмагач, «Аякс»нинг собиқ футболчиси номзодига мурожаат қилишганди.

Эслатиб ўтамиз, Хунтелар айнан «Реал»даги ярим йиллик муваффақиятсиз фаолиятидан кейин, ёзда, «Милан»га кўчиб ўтганди.