Мадриднинг «Реал» клуби раҳбарияти Англиянинг «Манчестер Юнайтед» клубига марказий ҳимоячи Неманья Видич учун 20 миллион фунт-стерлинг таклиф қилмоқчи. Бу ҳақда Англиянинг «Daily Mail» нашри хабар бермоқда.

Сербиялик футболчининг «МЮ» билан амалдаги шартномаси 2012 йилда якунига етади, аммо Мадрид клуби хўжайинлари ҳимоячининг собиқ клубдоши Криштиану Роналду билан бир клубда тўп суриш истагига умид қилишмоқда.

Ўтган ёзда «Қироллик клуби» Видични қўлга киритишга ҳаракат қилганди, аммо ўшанда ҳимоячи Манчестерда қолишга қарор қилганди. Аммо, яқинда маълум бўлишича, Неманьянинг хотини Ана эрини анчадан бери нисбатан иссиқроқ мамлакатга кўчиб ўтишга чақираётган экан.

Шу муносабат билан, футболчига «Милан», «Интер», «Барселона» ва яна ўша «Реал»дан таклифлар бўлаётгани ҳақида хабарлар кетма-кет ёғилиб кетганди.